Warc'hoazh 'vo jiltennoù melen o stankañ an hentoù hag ar c'hêrioù. 'Ba Breizh 'vo stanket war 35 lec'h: 'ba Brest, Montroulez, Sant-Brieg, an Naoned, Roazhon: an holl gêrioù bras neuze. Ha zoken 'ba plasoù bihanoc'h 'vel Plestan 'ba Aodoù-an-Arvor, Ploervel, Loudieg ha Bain de Bretagne ivez. Ul luskad kaset gant piv, 'oarer ket re vat. Sañset 'vefe bet roet lañs gant ur plac'h 'zo o chom 'ba Morbihan. Dre ar rouedadoù sokial eo bet an dud: pajenn facebook jiletennoù melen Montroulez 'zo bet liket gant 2500 a dud! Met anezho 'vo war blas warc'hoazh 'vit stankañ an hentoù, den ne oar evel just. Klemm 'ra ar jiletennoù 'blam m'eo kresket priz an dour tan betek re ar bloaz 'mañ: 23% ouzhpenn abaoe miz Genver. Met klemm 'zo ivez 'blam d'ar fed 'zo ur santiùant bout kollet galloud prenañ ivez. Met evit lod n'eo ket degemrabl an emzalc'h 'mañ. Difennerien an en-dro da skouer 'vel Goulc'han Tomin, o chom 'ba Landerne, 'zo ezel eus ar C'hlas.