Degas c'hoant d'an dud mont da zeskiñ micherioù hag a denn d'ar yeched ha d'ober war dro an dud kozh, da skouer, eo pal Rannvro Breizh ha Departamant Penn-ar-Bed. Se 'zo kaoz 'oa aozet ur sizhunvezh gouestlet d'ar micherioù se ha bodet, dec'h, 'ba skol klañvdiourien Montroulez (ISFI) dilennidi, stummerien ha studierien o teskiñ ar vicher a glañvdiour pe skoazeller klañvdiour. Un diouer a 1500 skoazeller klañvdiour 'zo 'ba Breizh. Koulskoude 'zo kavet plasoù labour gant 92% eus ar re 'zo stummet diouzhtu goude bout tapet o diplom. Selaouomp Solange Creignou 'zo bez-prezidantez Kuzul departamant Penn-ar-Bed e-karg eus an dud kozh. Emañ-hi deus mikro Erwan Blanchard.