Martolodez gwellañ ar bed e 2018 eo bet anvet Marie Riou ar sizhun dremenet. Ar Plougastel 'neus resevet he friz 'ba Saratosa 'ba Florida. Ur priz ken a-bouez hag ar volotenn aour 'ba bed ar velldroad. E-touez ar merc'hed bet priziet c'hoazh e kaver Isabelle Autissier hag Ellen Mac Arthur. Goude bout gounezet ter gwech kampionad ar bed Nacra 17 hag ur wech kampionad ar bed 420 'neus gounezet Marie Riou ar Volvo Ocean Race ar bloaz 'mañ, ur redadeg d'ober tro ar bed dindan meur a dennad. Ur sapre taol-kaer 'vel lar deomp Gwenn Le Coz-Riou, he c'hoar gaer. O prientiñ ar C'hoario Olimpek emañ Marie Riou gant he c'henseurt Billy Besson, C'hoarioù Olimpek 'vo aozet 'ba Tokyo e 2020.