Kalz a festivalioù 'vo e Breizh da heul hini an Erer Kozh. An hini abretañ 'vo ar "Gouelioù-meur Kerne" 'ba Kemper adaleg dimeurzh a zeu. James Blunt ; Gilles Servat ; Celtas Cortos ; Nolwenn Leroy ; N'Diale Afro Breizh ha Suzanne Vega 'vo an arzourien pennañ a vo gwelet war al leurenn Gradlon. Gradlon 'zo an hini pouezhusañ met unan hepken deus al leurennoù kinniget, niverusoc'h ar bloaz-mañ met war nebeutoc'h a devezhioù. Evit reiñ muioc'h a lusk d'ar gouel ! Selaouit Guy Riou, unan deus an aozerien, deus mikro Gaël Morin. Fotoioù : 1 - Ar bagad Brieg 'pad an dibunadeg e 2009 (foto Anne Gouerou) 2 - An abadenn-veur 'pad Gouelioù-meur Kerne 2009 (foto Anne Gouerou)