Disadorn zo bet manifestet en dro gant enebourien ar raktres hent-tizh tro dro da Strasbourg. Ar GCO evit Grand Contournement Ouest, a zo bet aotreet da vezañ savet gant prefed ar Reter Braz Jean-Luc Marx, daoust da ali negativel an enklask foran, ha daoust ma 'n eus ket bet roet e ziviz gant ar barner d'an holl rekourioù. Dilun tremenet neuze zo bet skarzhet ZAD ar Veilh e Kolbsheim, giz ma zo bet graet deuhouti, gant 500 archer ; ha kroget ar bilerien gwez gant o labour kerkent dimerc'her. E touezh an enebourien e vez kavet ivez dilennidi, evel Martine Wonner, kannadez Ar Republik o Vale, ha maered ar gumunioù m'emañ an hent-tizh da dremen drezho. Andrée Munchenbach a zo prezidantez ar strollad politikel dizalc'hour Elzasek Unser Land. A-enep krenn d'ar raktres emañ hi ivez.