Goud a ouzher piv eo sonerien gwellañ 'ba Breizh ! Dec'h ha disadorn oa dalc'het Kampionad sonerien daou-ha-daou Breizh. E Gourin eo deuet da vezañ un hengoun degemer konkourioù koubladoù sonerien. Bloaz paseet e oa L'Haridon-Nedeleg o doa gounezet er rummad bombard-binioù. Klevet vo Yann-Ewen L'Hriadon o lâret penaos eo en em brientet evit dec'hel e ditr ar bloaz-mañ, met a-raog e vo selaouet Michel Toutous, kampion 4 gwezh etre ar bloavezhioù 1986 ha 2005, reiñ e ali war ar gizioù o cheñch en doareoù da seniñ, gant an amzer. Emañ deus mikro Tunvezh Wlagen-Grandjean.