Krouet eo bet ar skolioù Diwan kentañ etre ar bloavezh 1977 hag hini 1978 ; Ar bloavezh skol-mañ a zo hini an 40 vloaz neuze, ha n'eo ket bet laosket an deiziad da dremen hep lid. Dibaoe miz Gwengolo e vez aozet gouelioù gant ar skolioù, hag e voe tro Kerne Izel disadorn. Ur gouel a oa dalc'het e kreiz-kêr Kemper evit an taol. Ewarn ha Telo, kerent bugale skoliataet e Diwan, o deus kemeret perzh evit aozañ ar gouel, a zo bet aterset gant Tunvezh W/Gwlagen-Grandjean. Marivonig Gouerou, skolaerez dibaoe 28 vloaz e Kemper a vo klevet ivez, ha daou lisead Diwan Karaez da heul c'hoaz.