Echuet eo tro Breizh Emmanuel Macron. Ur veaj hep diskleriadenn souezus deus perzh prezidant ar Republik. Ha skañv e brogramm tre a fed eskemmoù gant ar bobl. Goude bezañ bet drebet lein dec'h vintin gant dilennidi Departamant Penn ar Bed e Kemper, en eus gweladennet ar prezidant porzh pesketiñ ar Gelveneg da un eurvezh ma ne oa pesketer ebet war ar "c'hrie". E Kemper zo bet difennet gant ar prefeti da Lig Gwirioù Bugel-Den aozin ur pred kengred gant ar repuidi. Ur vanifestadeg a zo bet dalc'het memes tra da 8e vintin dec'h, aozet gant un toullad sindikadoù, strolladoù politikel ha kevredigezhioù, mez en diavaez da greiz-kêr. E Sant Brieg dimerc'her dija voe bet moustret manifestadeg ar sindikad CGT, difennet dezho diskouez banniel ebet na kaout ar peadra d'ober trouz. Jean Gwilhomarc'h a voe e manifestadeg Kemper. Aterset eo gant Tunvezh w/Gwlagen-Grandjean