Disul noz 'oa paket kreiz Montroulez gant an dour-beuz. Dindan un eurvezh a arnev 'zo erru dour forzh pegement. betek un metrad, ur metrad hanter dirak an ti-kêr. 50 koñvers 'zo bet beuzet, ur bern kavioù 'oa leun a dour. Evit beure 'oa an holl goñversanted gant o balaenn o klask kempenn o stal gant sikour tud a youl vat hag ar pomperien meur. Eurusamant 'neus bet den ebet gloazet disul noz. Memestra 'neus goulennet ar maer 'vefe disklaeriet Montroulez e gwalreuz naturel. Sioulaet an amzer hudu 'ba Montroulez. Aet eo an arnev da reter Breizh.Klaod Rideller 'zo marc'hadour botoù 'ba straed Brest 'ba Montroulez 'oa o labourat start ar beure 'mañ 'vit kempenn e stal, setu 'pezh 'neus kontet da Erwan Blanchard. Poltred (Morgane Tregouet)