Setu pal ar gevredigezh « Kelennomp » hag a vo roet lañs dezhi en ofisiel 'benn disadorn e Kemper. Ar soñj eo bodiñ an holl dud liammet get an deskadurezh brezhoneg er vro, pe vehe kelennerion, skolaerion, kerent ar vugale skoliataet en hentennoù brezhoneg - publik, prevez ha Diwan, tud a laboura evit ar stummadurioù hir iwez pe ar c'hentelioù noz. C'hoant o deus en em strollañ evit gellout kavout disoc'hoù da lod kudennoù a zo en termen-mañ er c'helenn brezhoneg. Goulven Morvan, a zo perzh er gevredigezh. Lâret a ra deomp pelloc'h. An emgav evit ketañ emvod meur « kelennomp » a zo da 3eur15 e ti ar vro e Kemper.