Skolajidi Diwan Kemper a c'hello marteze kousket e Kemper a-benn nebeut en dro ! Pemzek vloaz 'zo damm dostig emañ an hunva lec'hiet pell deus ar Skolaj. Evit poent e vez kaset ar skolajidi d'abardaez e Plogastell Sant Jermen da gousket, en ur savadur hag a zo deuet da vezañ re vihan, ma n'hell ket an holl bezañ degemeret. Un diskoulm a vefe bet kavet marteze e memes karter hag ar Skolaj, e Penhars : a-benn nebeut e vo dieubet savadurioù Ti ar Re Gozh ar Brug eno. Lâret a ra Erwann ar Berr, rener Skolaj Diwan Kemper ar pezh a virfe c'hoaz e vefe graet, deus mikro Tunvezh Wlagen-Grandjean. Ar pezh 'zo e vo Savadur ti ar re gozh e Penhars dieubet pa vo savet an hini nevez e 2021 nemetken. N'eo ket rummadoù a vremañ ar skolajidi hag a c'hello kousket e kichen o skolaj neuze.