Abaoe miz Du tremenet e ranker implijout lec'hienn internet ar Stad 'vit kaout ur gartenn anv, un tremen hent pe ar gartenn aotre bleniañ. N'eo degemeret ken an dud a c'houlenn kaout ur gartenn 'bar prefetioù. Sañset eo evit mont buanoc'h hag en ur mod simploc'h eo bet lakaet ar sistem 'mañ e plas. 'Pezh 'zo 'zo tud 'zo paket gant al lec'hienn internet 'mañ. Trifina, eus Brest 'neus bet hec'h aotre bleniañ e miz Eost tremenet. hag abaoe emañ o c'hortoz kaout ar gartenn 'zo da vezañ kaset dezhi. War ar seblant eo stanket he doser war al lec'hienn 'pezh 'zo chalus 'vit ar palc'h yaouank. Selaouomp 'nezhi ouzh mikro Erwan Blanchard.