Hirie 'oa tro Frañs war varc'h houarn etre Karaez ha kab Frehel. Un tamm hent e Penn ar Bed 'ta hag ul lodenn vat en Aodoù An Arvor. Tud oa 'hed-ha-hed an hent evel e lec'h all. Tennet 'o deus gounid tud « stourm ar brezhoneg » evit en em reiñ da welet adarre, evel o devoa graet gant luganoù «degemer mat e Breizh» ha 44=BZH (pevar ha daou ugent kevatal breizh), 'keit 'oa ar rederien o tegouezhout e Liger atlantel. En dro-mañ eo e Plougonveur 'oa bet livet an hent gant luganoù evit ar brezhoneg. Deus tu ar sport, hirie 'oa ur c'hra live pevar da vont gantañ 'raok bourk Gurunuhel. Eno eo bet ///Tudual Karluer///, digor e vikro gantañ en e zorn.    Gant tud Gurunuhel, deut da sevel o fri, zo lâret deomp petore rederien zo da welet.