A bep seurt kontadennoù da selaou e Baien.
Ar sihun-mañ emañ savet c'hwezekvet festival sorbiennoù Baien. Dalc'het e vez abadennoù a-hed an deiz, evit ar re vras hag ar re vunut, ha ba dek parrez tro dro Baien. Daouzek bennak a gonterion zo daet da lâret kaer. En o mesk tud ag ar C'hongo hag ag ar C'hebek ker emañ gevellet ar festival get festoù er broioù-se. Dec'h da noz àr ar leurenn e oa c'hoariet an arvest anvet « Au pied levé ! » kensavet get Laurence Durand hag Annaig an Naou. Selaouamp dohti doh mikro Yaëlle ar Mouel.
