Ne 'vo ket savet an aerborzh 'ba Kernitron-al-Lann. Dec'h da vare kreisteiz 'neus Edouard Philippe embannet diviz sklaer ar gouarnamant hag hini prezidant Bro-C'hall, Emmanuel Macron. Dilezet eo ar raktres 'ba Kernitron met embannet 'neus Edouard Philippe 'vo kresket aerborzh Naoned-Atlanttik hag aerborzh Roazhon ivez 'benn 2025. 50 vloaz 'zo 'oa bet sonjet ar raktres -mañ hep ma 'vefe savet an aerborzh. Dek vloaz 'zo 'oa roet lañs en-dro d'ar soñj -mañ. Diwar se 'zo bet tud o stourm groñs war an dachenn 'pad bloavezhioù a-enep an aerborzh, ar sistem kapitalour, hag evit derc'hel douaroù mat da vezañ labouret gant ar beizanted. En tu kontrol eo fuloret ul lodenn vat eus ar re 'oa o souten ar raktres. Pierre-Emmanuel Marais, 'zo dilennet 'giz kuzulier 'ba kêr Naoned, 'oa kentoc'h a-du gant sevel un aerborzh 'ba Kernitron 'neus roet e soñj goude bout klevet ar c'heloù da Erwan Blanchard.