Seizh falc'her OGK 'oa dirak ar varnerien 'ba Gwengamp hudu. Tamallet eo dezho bout bannet livaj war bakadoù round up 'ba stalioù liorzhourezh 'ba bro Gwengamp. Dirak al laz-varn 'oa war ro 150 a dud o souten 'nezho. Da 10e30 eo kroet an audiañs. Padet eo betek 2e30 goude merenn. Klevet eo bet an holl re 'zo perzh 'ban afer se. Met ret 'vo gortoz ar 15 a viz Kerdu 'vit goût peseurt mod 'vefont kastizet pa 'vo embannet o diviz gant ar varnerien. Seizh falc'her 'oa 'bal lez-varn hudu 'vit ur proses met er-maez 'oa graet hini Monsanto; ar Round-Up hag ar glyphosate 'zo klaset cancerijen gant ar greizenn etrevroadell an enklaskoù war ar c'hrign-bev. War blas 'oa Erwan Blanchard, ouzh e vikro emañ Leonie Cabaret deuet eus Rostren, Yoann Colas eus Plijidi ha Jakez Perroz eus Menez are.