E pad tout ar sizhun-mañ emañ dalc'het ouzhpenn 40 darvoud evit diskouezh plas an nevezadennoù en ekonomiezh Bro Breizh. War pep dachenn : al labour-douar, an teknologiezhioù nevez, an industriezh, hag all. Unan eus an darvoud-se - aozet hiziv e Lokunole e Bro Gemperle - oa troet war zu an nevezinti e bed an douristelezh. Pevar raktres ac'hantet gant ar C'huzul rannvro Breizh oa kinniget d'an dud a-vicher a oa war al lec'h, evit skeudenniñ liesseurted ar menozhioù, en holl troet memestra war an doujañs eus an natur. E touez anezho oa kinniget ul lojeiz dibar, ijinet, treset ha savet gant Owen Poho.