Ur vanifestadeg a-enep stign free er Relecq
Ur stign evit ar pellgomzerioù hezoug 'zo da vout staliet get Free e karter Kergleuz 'ba Relecq-Kerhuon, e-touez an tiez. Ur strollad a annezidi ag ar c'harter 'zo e stourm 'vit ma 'vefe ket lakaet er c'harter 'mañ met un tamm pelloc'h lec'h 'ma 'zo nebeutoc'h a dud o chom. Digwener 'oe aozet gete un tamm pik-nik 'vit displegañ o soñj àr ar raktres 'zo get Free. Erwan Sparfel 'zo o chom er Relecq ha deuet eo da gemer perh er vanifestadeg. Displeget 'neus da Erwan Blanchard 'pezh 'neus lakaet an dud da sevel a-enep d'ar raktres 'mañ.
