'Pad tri devezh, etre digwener ha disul, 'oa emgav etrevroadel ar stourmoù 'enep d'an OGK, pe OGM, en Oriant. Arlane 'oe bet dalc'het an emgav-mañ en Ouagadougou, kêrbenn Burkina Faso, evit ar wezh kentañ. Ur 150 (c'hant hanter kant) a dud deus 8 bro àrnugent ag ar bed a-bezh oe deuet e Breizh ar blez 'mañ, tud e tont ag Afrika, hag Amerika ar C'hreisteiz ewe. Skiantourien, stourmerien àr an dachenn bolitikel, emouestlet an holl da zifenn gwirioù ar beizanted. Komzet o doe à-ziar an hadoù, an douaroù, pe an difenn ouzh ar pestisid a-dal de embregerezhioù etrevroadel. Digarez eo an emgav da sevel darempredoù etre stourmoù disheñvel, liammet d'ar gonid boued. Gael Briand, ezel deus an UDB, ha pennskrivagner ar gelaouenn « le peuple breton » 'oa o kemer perzh en dibenn-sizhun labour. Reiñ 'ra e sell deomp, doc'h mikro Tugdual Karluer