Dec'h 'ba Roazhon oa roet disoc'hoù ur c'hoñkour rannvroel evit al liseidi. Ur genstrivadeg anvet « Un embregerezh en ho lise ». Ar pal : skoulmañ darempredoù etre al liseidi ha bed an ekonomiezh evit sachañ muioc'h evezh ar re yaouank war o dazont micherel. Ar bloaz-mañ e ranke pep raktres kemer e kont an diorren padus. Tri friz 'zo bet roet neuze : unan er rann « natur hag en-dro » 'zo bet gounezet gant al lise Beaumont eus Redon hag an ISSAT eus Sant Yagu-ar-bineg er Morbihan ; ar priz « toal-kalon » eo aet d'al lise ar micheroù eus Pont ar Veuzenn e Penn ar Bed ; hag ar priz ekonomikel zo aet d'al lise Felix Le Dantec eus Lannuon ha d'al lise Sant Gabriel eus Pont 'n Abad. Gant al lise bigouter-se oa kinniget ur raktres anvet « Bigoud' Yourte ». Pe penoas tremen vakañsoù en ur kamping o vevañ, tost eus an natur, barzh ur yourte... Ar raktres oa douget gant peder merc'h, Alizée, Amélie, Pauline hag Estelle o deus labouret start a-hed ar bloaz ha, mod-se, kenlabouret ivez gant ar bed ekonomikel. Unan eus o mignonez, Eryl Seznec, a zispleg deomp palioù o raktres.