Raktres min Variscan: n'eo ket echu ar stourm
Dec'h 'oa manifestadeg 'enep d'ar raktresoù mengleuzioù dalc'het gant ar stal variscan. En dro-mañ eo 'kostez Merleag, e kreisteiz Aodoù An Arvor, etre Mur ha Kintin, 'ni oa bodet an dud, diwar galv ar gevredigezh Vigil'Oust. Ar soñj 'oa sevel ur chadennad tud, war-dro d'an dachenn ma vefe toullet an douar da gentañ war glask metaloù ral. Daoust d'an amzer hudur, kazarc'h, dour hag avel rust, 'oa en em gavet ur mil pemp kant a dud. Tud diwar-dro met deus pelloc'h ivez, hag un toullad mat o tont deus lec'hioù ma zo raktresoù mengleuzioù all ivez. Bet eo Tugdual Karluer war blas, selaouomp an doare digant perzhidi er vanifestadeg.
