Sekour get ar repuidi e Bro an Oriant.
Setu pal ar c'holektif savet e miz gouel-mikel du-se. Pemp kreizenn degemer zo e bro an Oriant hag en Oriant mem e vez lojet ugent den yaouank etre 18 ha 30 vlez anezhe e ti ar re yaouank. Meret eo o doberioù ketañ get ar stad. Pezh a glask ar 120 den perzh er c'holektif eo kinnig traoù dezhe er maez ag ar c'hreizennoù, dezhe da veviñ er vro ha da vout emrenoc'h. Delphine ar Gal hag Anna an Duigou a gemer perzh er c'holektif. Gouiamp pelloc'h gete.
