Setu pezh a houlenna an dud o deus lakaet o bugale barzh unan ag ar seizh skol publik diwyeheg e kornad Gwened. A-c'houde seitek vlez mard eo bet kroget get an hentenn eno, n'eus ket c'hoazh skolaj publik erbet lec'h ma hell ar skolidi kendalc'h get ar brezhoneg. Ar blez-mañ eh eus seih krouedur deus lakaet o anv 'benn an distro-skol-mañ-za. Dek enskrivadur a faot d'an ensellerezh akademiezh kavout evit digor. Disadorn da vitin oa bodet ar gerent dirak dorioù skolaj Jules Simon e kreiz-kêr Gwened evit sevel o mouezh. Eno oa Maelig Mollo iwez, hag zo skolaer e skol Kliscouet e Gwened. Emañ doh mikro Yaëlle ar Mouel.