Fenoz, d'ar gwener 27 a viz Ebrel, 'vo igoret an diskouezadeg « Kanomp bepred » 'zo kinniget d'an dud abaoe penn kentañ miz Ebrel e Maner Karnod, e Mellag. Ar c'han e Breizh 'zo e-kalon an diskouezadeg-se 'zo pinvikig-kaer, kement evit an dud deuet, ar re eus ar vro pe an douristed ha kement evit ar vugale, a gavo 'ba Kernod, o gwellañ plijadur. Muioc'h a displegadennoù gant komiserezh an diskouezadeg, Aurélie Le Déroff : Ar muzik 'zo an tem dibabet evit an teir diskouezadeg savet gant an EPCC "Hent ar glad e Penn ar Bed". Ar c'han hengounel e Maner Kernod neuze ; ar biniouier hag ar bombardoù e Kastell Keryann ; ha, d'ar 4 a viz Mae, 'vo digoret an diskouezadeg diwezhañ en Abati Daoulas. "Tonioù an amzer / l'air du temps" 'vo an titl. Ur sapre programm gant ivez sonadegoù ha darvoudoù a-bep seurt...