War-dro 500 a dud a zo 'n em vodet dec'h vintin war draezenn Santez Anna ar Palud er Porze. Ur "scan art" o deus savet war an aod 'benn gervel medisined d'en em stalian eno. War an traez e oa skrivet neuze "Plonevez a glask medisined", ha filmet eo bet gant ur c'harr-nij, un nijerezh skanv hag un dron. Bloaz hanter 'zo eo ganet ur raktres "ti ar yerc'hed" e Plonevez Porze, 'benn bodan medisined, apotikerien, leunvourien ha klanvdiourien. Evit un "ti yerc'hed" a seurt-se vez roet arc'hant gant Ajans Rannvroel ar Yerc'hed, met e Plonevez e vank ur medisin, setu ma ne c'hell ket ar raktres bezan kaset a-benn. Selaouomp hiroc'h gant Ronan, o chom e Plonevez Porze. Respontet 'n eus da Gatell Uguen.