Katell Alençon, eus an Dreneg, 'zo 'ba Rio 'vit ar JO!
Warc'hoazh 'vo an devezh meur gant Katell Alençon: kemer perzh 'raio war he marc'h-houarn 'ba kours ouzh an eurier 'ba Rio, Brazil, da geñver ar C'hoarioù Paralimpek. Ar plac'h 'zo ezelez eus klub handisport Brest ha eus klub VS an Drenneg 'ba Bro-Leon 'zo 29 bloaz. Hag un nebeut bloavezhioù 'zo 'noa ranket bout troc'het he c'har betek dindan penn he daoulin goude ur gwalldarvoud gant he velo just mat. Adkroget 'noa gant he sport muiañ karet un nebeut war lerc'h bout bet e Kerpape 'kichen an Oriant da deskiñ ober ur gar nevez. Selaouomp Andre Kerriou, 'zo ezel eus klub VS an Drenneg asambles gant Katell Alençon.
