Gwellaat buhez ar repuidi e kreiznoz Bro C'hall
Setu unan a balioù ar gevredigezh Utopia 56 savet e miz Du tremenet en Oriant. Kinnig a reont d'an neb a gar monet da sekour get ar repuidi a zo é klask tremen en tu rall da vor Breizh. E Grande-Synthe, lec'hiet 30 kilometrad a gêr Calais, emañ izili ar gevredigezh é ober àr-dro d'ur champ nevez, staliet div sihun 'zo get youl Damien Carême, maer EELV eno. 2500 a dud a zo degemeret er c'hamp-mañ, tud é tonet a vro Gurdistan en Irak evit ar muianiver anezhe. Klask a ra tud ar gevredigezh reiñ titouroù dezhe ha cheñj ar speredoù. Klaartje a zo bet div wezh e Grande-Synthe. Distroet eo ag he eil beaj eno ar sihun dremenet. Hiroc'h geti doc'h mikro Yaelle ar Mouel.
