Sekour get an dud yaouank mac'hagnet.
Setu pal ar gevredigezh "Les enfants de l'espoir Bretagne" staliet e Gwidel. Bemdez e vez degemeret gete tud mac'hagnet a-bep seurt evit o lakaat d'ober poelladennoù gres d'ur vetodenn a laka ar c'horf hag ar spered da labourat. Dre an degemer-mañ e c'hell ar gerent bout disammet iwez bep an amzer. Daou edukatour ha tud a-youl vat a ra àr-dro d'o bugale. 'benn disul e vo savet un dro-vale e Gwidel get ar gevredigezh da rastellat un tamm argant ha gellout kinnig obererezhoù ingal. Selaouamp hiroc'h get Kamilh Olivier, eil-prezidant ar gevredigezh douzh mikro Yaelle ar Mouel.
