Dec'h e oa waet kuit ar vag Bro Warok a Borzh-Loeiz, karget a zafar a-bep seurt evit reiñ sekour d'an dud zo é chom en Haiti, bugale en o mesk. Douget eo ar raktres get ar c'hevredigezhoù Marins du monde hag Iles aux enfants d'Haïti, staliet e Sant-Brieg hag iwez Emmaus e Redene. Arc'hantaet eo ar mision get yalc'hadoù roet get strollegezhoù lec'hel mes iwez antreprizioù, hanterkant mil euro e koust en oll. Pevar martolod deus ambarket àr ar vag, ar c'habiten Alain Malardé en o mesk. E vaouez Béatris neus lâret hiroc'h da Yaëlle ar Mouel. Razh an dud a hell heuliañ ar mision àr ar lec'hien internet http://www.marinsdumonde.net