Gwalldaolioù 'ba Burkina-Faso gwelet gant Bam-Breizh
'Ba Ouagadougou e Burkina-Faso 'oa bet graet gwalldaolioù e fin ar sizhun dremenet gant djihadisted an Aqmi. Gant spont int bet heuliet gant ar re a gar ar vro mañ 'zo 'ba Afrika ar C'hornog. 'Ba Landerne 'zo ur gevredigezh hag a labour abaoe bloavezhioù gant annezidi ur rannvro 'ba Burkina: Bam-Breizh. Herri Morvan 'zo ken-brezidant ar gevredigezh a gave dezhañ giz kalz a dud 'vefe Burkina-Faso ha Ouagadougou maez eus jeu an djihadisted, nemet 'ba hanternoz ar vro 'zo dañjerus dija.
