Doser aerborzh Kernitron al Lann da gregiñ. Hiziv 'oa dalc'het ar prosez da skarzhañ an dud diwezhañ o chom war ar ZAD, diwar o douaroù. Peizanted ha perc'henned all. Raktal 'neus roet ar barner Pierre Gramaize da c'hoût na vo ket embannet an diviz hiziv met d'ar 25 a viz Genver da 2e gm. Da ziskwezh souten d'an dud war blas 'oa manifestet a bep tu ar mintin man. E Brest, Roazon, Kemper, Naoned, sur deoc'h, met betek e Baiona, Tarbes, Dijon, Carcassone, Foix, Lyon, Poitiers hag e lec'h all! Dec'h dija 'oa bet manifestet e meur a blas, war an hent-tro d'an Naoned da skouer. Arestet zo 19 den, seziset o otoioù, dalc'het gant ar polis. 'Benn ar 24 a viz c'hwevrer 'vo an dud arestet dirak ar justis evit bezañ stanket an hent. Ha 'benn disadorn 'vo manifestadegoù e meur a gêr da zerc'hel lakaat gwask. Willem Doedens zo o chom war tachenn ar ZAD, oc'h ober ur staj e menaj Sylvie ha Marcel Thebaut, zo e-touesk ar beizanted barnet hiziv. Hiziv 'oa dirak lez-varn An Naoned, 'mañ deus mikro TK. Astennit ho skouarn, fall eo ar son ken ec'h eo.