Kemper 'zo ur gêr a vez beuzet re alies gant an dour. Hag a-wechoù eo grevus an distrujoù degaset gant live uhel ar ster Oded. Setu perak 'noa divizet ar sindikad etrekumunioù tro-dro an Oded, anvet SIVALODET, sevel peder stañkell pe kentoc'h savadurioù evit dilañsaat tizh an dour. Opala ! Dilennidi ar c'humunioù e lec'h vije bet savet ar stankeloù-se 'neunt savet o mouezh a-enep. Reuz 'zo bet er Sivalodet hag e fin ar bloavezh 2011 n'oa roet ar brezidantez he dilez. Ur guzulierez ekologour deus Kemper e oa. Dec'h da noz oa dilennet 'ta ur prezidant nevez e penn ar Sivalodet. Georges Cadiou eo, kuzulier-kêr UDB 'ba Kemper. Met ne oa ket anat an disoc'h 'neus displeget deomp !