Emvod meur Kevre Breizh oa dalc'het disadorn tremenet e Planwour. An digarez oa da zistreiñ àr darvoudoù ar blez paset ha da deurel ur sell àr ar blez é tonet. Dipitet eo bet izili ar gevredad get kiladenn ar gouarnamant fed ag ar lezenn da adkempenn ar rannvroioù sur-walc'h, an digreizenniñ pe politikerezh c'hoazh ar yezhoù-bro. Kendalc'het e vo get ar stourm neuze ha kensavet ur vanifestadeg vraz 'benn miz Gouel-Mikel àr un dro get pobloù Frans. Gortoz a ra iwez Kevre Breizh ma vo embannet programmoù an dud vo àr ar renk 'benn ar bouezherezhoù rannvo. Gouiamp hiroc'h get Tangi Louarn, prezidant Kevre Breizh.