Fall zegemeret eo bet Pierre Bertrand digwener e Douarnenez. Is-rener Ajañs Rannvroel ar Yec''hed a oa en ospital eno 'benn divizout deus dazont ar servij surjianerezh hag a zo en arvar. Fellet 'ra da Ajañs Rannvroel ar Yec'hed treuskas ar servij da Gemper ha ne vefe neuze anestezist ebet ken e Douarnenez. Un anestezist just a-walch a oa bet tutet evit an ospital hag a servij annezidi ar bae ha pelloch zoken. Met ar medisin a 69 bloaz a zo bet trugarekaet kerkent, goude 5 devezh a labour hepken. Gant trouz eo bet degemeret is-rener an ARS digwener neuze. Selaouomp reportaj Katell Uguen. Aterset he deus Yves Jardin, e-penn komite difenn an ospital.