Ar mintin-mañ 'oa dalc'het un emvod kelaouiñ e Ploneiz gant Sodiaal, ar c'hooperativ laezh. Ar stal vras, pec'henn war merkoù brudet 'vel Yoplait, Candia pe Entremont a zeu brav ganti p'eo bet tennet ouzhpenn 4 miliard a euroioù a c'hounid e 2012. Daoust da se eo ankeniet ar broduerien gant fin ar c'hotaioù hag ar PAC nevez, Politikerezh Boutin al Labour Douar. Ur c'hant bennak e oant hiziv e Ploneiz 'benn herzel emvod Sodiaal. Goulenn a ra ar broduerien ma vefent harpet muioc'h gant pennoù-bras ar c'hooperativ. Muioc'h a zisplegadennoù gant Gilles Philippe, produer laezh e Ploneiz. Emañ ouzh mikro Katell Uguen.