Ganet oa bet e Neuilly sur Seine e 1946. E bro Pariz e kemere perzh er gevredigezh Ker Vreizh dre ar strollad Telenn Bleimor. D'an oad a ugent vlez oa daet da chom da Vreizh. Labouret he doa àr lizheradur ar vro. E 1995 doa embannet he levr anvet « dec'h oa re bell dija », ar romant ketañ skrivet get ur vaouez e brezhoneg. Un dezenn doa graet iwez a-zivout oberenn Maodez Glandour e 2002. E miz eost 2010 oa bet roet inour dezhi get he mignoned a Skol Uhel ar Vro. Degemeret doa kolier an Erminig diàr daouarn Padrig Malrieux. Selaouamp dohti é reskont da houlennoù Yaelle ar Mouel.