Mont a ra war raok al labour war an diorren padus etre ar bodadoù kumunioù e Bro an Odet, deus Brieg betek Fouen, o tremen dre bro Gemper. Achuet eo gant mare an enklask publik evit ar Scot, a zo ur steuñv evit soñjal barzh dazont ar c'herioù hag an oberiantis ekonomikel. O tiwall muioc'h deus an en-dro ha deus an douaroù o deus ezhomm ar beizanted evit labourat da skouer. N'eo ket dedennet kalz an dud gant seurt raktresoù a seblant pell deus outo un tamm. Nemet war un dra 'zo bet merzhet gante ha gant lod deus ar vaered zoken e pad an enklask publik : barzh teuliadoù ar Scot eo raktreset sevel skankelloù war an Oded. Stankelloù evit gwareziñ tud Kemper deus distrujoù an dourioù-beuz a teu ingal. Selaouit 'ta Didier Roignant a zo maer Langolen. Evitañ netra 'zo divizet da vat gant ar Scot. Spi neus zoken ne vo ket savet ar mell skantelloù 'zo bet kinniget betek-henn. Menozhioù all 'neus.