Da vare fin ar sizhunvezhioù kampoù vakañsoù 'n em gav ar vuhezourien asambles en-dro d'ur pred hep ar vugale a-benn eskemm war o labour. Setu penaos 'oa ganet ar 5vet pred, ur gevredigezh yaouank a vod ar vuhezourien brezhonegerien 'benn aozañ darvoudoù 'vito da vont pelloc'h gant o varregezhioù, o skiant prenet hag all. E dibenn-sizhun kentañ miz Du e vo aozet neuze ur 5vet pred, digor d'an holl, e prezbital kozh Landelo. C'hoarioù, stalioù ha kabaret a vo da gaout, kement ha lakaat ar vuhezourien brezhonegerien da eskemm asambles war o labour. Muioc'h a zisplegadennoù gant Awena Le Baron Courtet hag Héloïse Berthet, izili ar 5vet pred. Respont a reont da c'houlennoù Katell Uguen.