E-korv ar week-end mañ 'oa dalc'het 5vet tro Kib Bro-C'hall melldroad. En em gavet eo ar skipailhoù live CFA (4re rummad) 'ba jeu ar c'hib. Krogadoù brav 'oa da c'hoari get kluboù 'zo a live rannvroel a-enep ar re 'zo e live broadell. Disadorn d'enderv 'oa degemeret Stad Plabennecois get klub Plougerne 'zo en DSR (4 rummad dindan). Dirak muioc'h evit 600 supporter 'o doa poaniet ar baganiz evit klask bout trec'h war Plabenneg. Mes nitra d'ober : 2 da 1 evit klub Plabenneg er fin. Selaouomp reportaj Erwan Blanchard. Da gentañ emañ get ur supporter evit Esperance Plougerne, Jean Treger.