Roet oa bet lañs d'ar festival "Théâtre A Tout Age" pe TATA, e fin miz Du, evit abadennoù c'hoariva e leizh, kinniget e 7 kumun ha tregont (37) deus departamant Penn ar Bed, deus Plougerne betek Kemperle. Ha digwener e oa an digoradur 'ba Kemper. Un digoradur war un ton bras peogwir eo an dekvet deiz ha bloaz deus ar festival-se 'zo an hini brasañ e Bro Frañs troet war ar c'hoariva evit vugale. Achu a raio ar festival gant un abadenn dreist ordinal ivez. Ur sonadeg gant ar Bagad Kemper, asambles gant Red Cardell... ha tost 500 bugel marplij ! Digwener 9/12/2011 da noz oa ur bleustradeg fromus, trouzus ha blijus ken ken ! Aziliz a gemere perzh enni. Ur reportaj gant Anne Gouerou Kinniget 'vo ar "Fest-rock"-se disadorn 17 a viz Kerzu, da 8e30 noz. Ha disul 18 da 6 eur noz er Pavilhon 'ba Kemper