@@@Ankeniet eo renerion ar SICA 'ba Kastell-Pol.@@@ Pempzektez 'zo 'oa waet a-du ar barner get izili ar gevredigezh Kervorus-Vilargren 'zo a-enep d'ar raktres peogwir n'eo ket graet hervez reolennoù ar PLU ha lezenn diwar-benn an aodoù. Evit Pierre Bihan-Poudec e 'lak an diviz mañ dazont ar SICA ha produerien legumaj Bro-Leon en dañjer. an atersadenn get Erwan Blanchard @@@Arru eo miz an Azwent ha mall eo plantañ gwez.@@@ Cyril Macler zo é terc'hel ur vagerezh gwez frouezh, frouezh hec'h anv just-walc'h, e Plougonveur. Kemer 'ra perzh er gevredigezh «les mordus de la pomme» iwez, hag a glask dastum ha miriñ gouennoù avaloù kozh ag ar vro. Reiñ 'ra un nebeud alioù deomp. Get Tugdual Karluer. @@@25vet Telethon : un dibenn-sihun leun a oberiantizoù.@@@ E-pad 30 euriad 'vo gwelet Goulven Elegoet é kerzh get hentoù Landeda: 'benn àrc'hoazh ha 'benn disul. Bale 'raio paotr Porsall da-geñver an Telethon ha klask 'raio donet a-benn d'un taol koustele nevez evitoñ. Ur pennad-kaoz get Erwan Blanchard. amañ @@@Lazoù kanañ ar vro a-gevred àr ar leurenn evit Breizh a gan.@@@ Evit an 30vet gwezh e vo savet an dolpadenn vraz-mañ get Kanomp Breizh. Er c'hevredad-mañ emañ tolpet pemp pare-sonerion a-veg àrn-ugent. Pevarzek anezhe a gemero perzh en devezh konsertoù hag a vo 'benn disul e Gwened. E meur a lec'h e vo moaien da selaou doh sonennoù e brezhoneg neuze. Armelle Le Guilloù a zo é labourat ba Kanomp Breizh. an atersenn