Dilennidi ar c'huzul departamant Penn ar Bed oa bodet hiziv evit ur votadeg troet, dreist holl, diwar benn an doare da heñchañ ar budjet evit ar bloaz a zeu. E-kreiz ar c'hefridi douget gant an departamant 'zo ar c'hargoù sokial. 60% deus ar budjet 'vez postet war-se hag ul lodenn vras a ya d'an APA, evit ar re gozh. Ar c'harg-se a oa douget a-raok gant ar Stad hag a oa bet kaset war choug an departamantoù e 2002. Pezh 'zo, ne dreuskas ket ar goarnamant tout an arc'hant a oa bet prometet. Hervez Pierre Maille, prezidant an departamant, n'eus ar stad un dlee deus ouzhpenn 600 million a Eurioù, o sammañ an arc'hant a vank evit an APA, an RSA hag ar PCH*, deus 2002 betek 2011. Hervez Jérôme Ronvel, kuzulier deus an tu dezhou e kanton Lesneven, n'eo ket gwir tamm ebet ! * APA : Allocation Personnalisée à l'Autonomie RSA : Revenu de Solidarité Active PCH : Prestation de Compension du Handicap