Galvet eo an dud da sevel o mouezh evit goulenn adunanidigezh Breizh. 'benn disadorn da ziv eur d'enderv e vo an emgav ba Naned. En termen-mañ eo lakaet ar gaoz àr adkempenn an tiriadoù e Frans get ar pal kavout nebeutoc'h a rannvroioù hag ma vo achu get an departamantoù. Hrevez ar gelaouenn Challenges e faotehe da Vanuel Vall ma vehe daouzek rannvro en holl hag e vehe adstaget ar liger atlantel doc'h rannvro Breizh. Da c'hortoz e vo klevet ur wezh ouzhpenn ar vretoned e straedoù kêr Naned. Selaouamp doc'h Iffig Cochevelou, perzh e Breizh Unvan.