Penaos espern energiezh, doujañ muioc'h ouzh an douar hag espern arc'hant ? Da gement-mañ e klask kevredigezh an Digourdi Bihan respont. E ti ar servijoù publik e Kemper e oa roet lañs digwener d'un diskouezadeg war treuzkemm an doare energiezh. E kêrioù all deus Bro Gerne e vo kaset an diskouezadeg, kement ha kizidikaat ar re vihan diouzh an energiezh. Ur wech dre vare e vez aozet ur c'hafe skiantoù, evit ar re vras en-dro-mañ, dezho d'en em ditouriñ war ar mod da aozañ o zier da-skouer. Gaidig ar Rouz, ezel eus an Digourdi Bihan e Kemper he deus kontet hiroc'h din. Emgavioù an Digourdi Bihan a c'heller kavout war al lec'hienn internet : lespetitsdebrouillards.org