Ar strollad rock indi Arcade Fire oa bet krouet e 2003 ged ar haner ha soner-kitar amerikan Win Butler hag ar ganeres ha musissianes a Vontréal Régine Chassagne, dàet da voud priedow, Richard Parry, Tim Kingsbury ha William Butler. Gwraet o deus ged toud o levesoniow ewid sevel ur hejaj a rock, pop, bossa-nova, chanson gall, punk... sonet, ohpenn d'ar benwigi-kustum, d'ar piano, alto, violoñsel, gzylofon, akordeoñ, telenn, viel... E 2011 e oa waet gete Grammy Award ar Gwellañ Albom ewid Neon Bible. E 2013 o deus embannet o fewarved albom, Reflektor, unan doubl. Ewitoñ o deus kenlabouret ged James Murphy, krouer an LCD Soundsystem, etre Montréal hag ar Jamaïk. O idol David Bowie neus poset e vouezh ba'r ganenn-ditl. An albom a genniga disoh an tri blezad o deus tremenet é selow doh pladennow vinyl kozh (disko, musik a Guba, a Haïti, soniow vaudou), hag é soñjal en ur fesson da lakaad an dud da zañsal. Dàet int da benn, ged ur bladenn rock elektro efedus ("You already know"), disko punk ("Joan of Arc"), pe doussoh ba'n eil disk ("Here comes the night time II") hag arnodel mem ("Supersymmetry", unneg minutenn). Marsen ema bet souezhet re o faned a-gozh ged Reflektor, mes derhel a ra Arcade Fire da sevel sonerezh hrewez o hoant-hè, gelloud a ra boud pop pe iskis, mes a galite uhel bepred, interessus ha gwirion. ROXY MUSIC "More than this" in Avalon (1982 . Polydor) CHARLOTTE OC "Colour my heart" in EP Colour my heart (2013 . Stranger Records) APES AND HORSES "The fields" in EP Bleu nuit (2013 . Cracki Records) WE ARE MATCH "Violet" in EP Relizane (2013 . We Are Match) ARCADE FIRE "Afterlife" in Reflektor (2013 ; Merge) Liammow an deiz : > Arcade Fire ha > Roxy Music > Charlotte Oc > We Are Match > Apes And Horses