Dont a ra ar strollad pop-indi-folk Stornoway a Oxford, a vro-Saos, mes kani ur gêr a vro-Skoss ew o anw. Brian Briggs d'ar han ha d'ar gitar, Jonathan Ouin d'ar hlawier, ar vreuder a Afrika-ar-Sud Olie Steadman d'ar gitarboud ha Rob Steadman d'ar batri oa bet klewet ar wezh gentañ e 2006 àr ar skingoms, raog embanniñ ar single "Zorbing" hag an albom Beachcomber's windowsill e 2010. Ar blez-mañ o deus embannet o eil pladenn hir, Tales from Terra Firma, hag unan verroh, You don't know anything, 'menn m'o deus tolpet titlow ha nend aent ket ged unvaniezh an albom. E-mod-sen e hellant iwe kennig un tu arnodelloh ag o labour. Setu neuse un disk interessus ha lan a frommow pinwig, ha komposet gete-razh. "When you touch down from outer space" a zigora an disk ged o liw-kustum, mes àr-lerh e ta muioh a bsykadelism, a aergerliow iskissoh (pennfollet memes ba "Clockwatching"), a dapennow elektro, kasset dalhmad ged toniow braw, mouezh spessial Briggs, hag ur gwir talant ewid sevel kanennow. Ur bochad benwigi vez klewet ohpenn (korn, trombonn, trompilh...). Ur souezhadenn vraw ew ar bladenn verr-mañ, hag un digarez a-fesson ewid mont da furchal ba re arall ar strollad Stornoway, a-dra-sur. BERNARD LAVILLIERS "Scorpion" in Baron Samedi (2013 . Barclay) GLASS ANIMALS "Black mambo" in EP Black mambo / Exxus (2013 . Wolf Tone) ALOA INPUT "Another green world" in Anysome (2013 . Morr Music) JAKE BUGG "Kitchen table" in Shangri La (2013 . Mercury) STORNOWAY "You don't know anything" in EP You dont know anything (2013 . 4AD) BLUR feat. KEN LIVINGSTONE "Ernold same" in The great escape (1995 . Food . Virgin) Liammow an deiz : > Stornoway ha > Blur > Jake Bugg > Glass Animals > Bernard Lavilliers