An trio elektro-rock a Londres Is Tropical oa bet krouet e 2009, hag anavet oant bet buan dre o single "When o'when". Goude boud sinet ged ar label Kitsuné o doa gellet embanniñ o hentañ albom e 2011, Native to (klip ar ganenn "The Greeks" oa bet sevenet ged ar Hallowed Megaforce ha bezh neus gwraet àr ar genrouedad). Troet o deus ur bochad àr ar leurennow, sonet o deus ged Klaxons, Crystal Fighters pe Egyptian Hip Hop, emaint bet admikset ged Breton, ged Juveniles, ha setu arru e 2013 o eil pladenn hir : I'm leaving. Kenlabouret o deus ged ar produer Luke Smith : an disoh so eeun, lemm ha ledannoh eid raog. Ged an ton kentañ, "Lover's cave" e komprener dohtu o deus digoret doriow newez, sontiloh. Anatoh ew hoazh ged ar single kentañ, "Dancing anymore", treantus, tiomm ha pop. Diwezatoh eh a teñwelloh an traow, a-hed toniow braw ha don : "Cry", "Sun sun", beteg pezh hir ar fin, "Yellow teeth", pedet banehoñ Ellie Fletcher (Crystal Fighters), ha mouezh ur vaoues a vez degemeret mad amañ. Gouiet o deus Is Tropical kreskaad ha sevel un eil disk a galite uhelloh, solud ha surroh. Spi hon eus e talhint da vont àr an hent-mañ. MALVINA REYNOLDS "Little boxes" in Malvina Reynolds sings the truth (1967 . Columbia) RHUME "Biarritz" in Rhume '2013 . Animal Factory Records) YODELICE "Fade away" in Square eyes (2013 . Mercury) PUBLIC SERVICE BROADCASTING "Everest" in Inform - Educate - Entertain (2013 . Test Card Recordings) IS TROPICAL "Dancing anymore" in I'm leaving (2013 . Kitsuné) CONNAN MOCKASIN "I'm the man, that will find you" in Caramel (2013 . Because) Liammow an deiz : > Is Tropical ha > Rhume > Yodelice > Connan Mockasin > Public Service Broadcasting