D'an eizhved blez ema aoset ar festival Les IndisciplinéEs ged ar gevredigezh M.A.P.L. (Musiques d'Aujourd'hui au Pays de Lorient). Ar wezh-mañ hoazh hon eus moaian da glewed arzourion brudet-mad ha re newez-arruet : musik, sinema, prezegenn, lennadenn... barzh An Oriant (Le Manège, Théatre de Lorient, Espace Cosmao-Dumanoir, dekoret ged krouidigezhiow Oeils ha glouestraj Idées Détournées), hag iwe Paou-Skorv (Théatre du Strapontin), Zinzag-Lokrist (Théatre du Blavet). A beb leh hag a beb stil e ta ar sonerion, ewid plijadur (ha yalhow) an oll : chanson gall ged Christophe (en-e-gunan d'ar piano), Dominique A (ewid e albom hag e levr) pe Fauve (ba Brest dan nos kent) ; soniow elektro ged Rone, Noir Statues ha Superpoze ; rock ged Death Engine ha Wall Of Death ; pop a-vremañ ged Griefjoy ha The Lanskies ; levesoniow R&B arnodel ged AlunaGeorge ha hip-hop a vro-Skoss ged Young Fathers ; blues komset an Amerikan Ghostpoet ; awen punk trousus an NewYorkis A Place To Bury Strangers. Deg vlez a sonerezh hag àr-dro d'ar sonerezh, setu spered ar goueliow poblel-mañ, edan liw an Dilost-Hañv, beteg an 10 a vis Kala-Gouiañv. DOMINIQUE A "Le Twenty-Two Bar" in La mémoire neuve (1995 . Lithium) ALUNAGEORGE "You know you like it" in Body music (2013 . Island) NOIR STATUES "Angles of the past" in demo FAUVE "Voyou" in SP (2013 . Fauve Corp) MONEY "Hold me forever" in Shadow of Heaven (2013 . Bella Union) Liammow an deiz : > Les Indiscipliné(e)s > Les Résidents (blog) ha > Fauve > Money > Noir Satues > Dominique A > AlunaGeorge