N'o deus ket 'meid ur pal : sevel ar gwellañ musik a hellant. Kevrineg int, pas ewid degass ur messaj, mes ewid lakaad o sonerezh àr an tu'raog, pezh a zlahe boud pennreolenn an oll vusissianed 'benn ar fin. E 2011 e oa bet krouet an trio No Ceremony / / /, ba Manchester ba bro-Saos. Dow baotr, James ha Kelly, a sona ar gitar, klawier, synthe ha perku ; ur plah, Victoria, ar bennganeres, a sona ar gitar boud. Remerket oant bet a-benn, goude boud embannet o single kentañ, "HURTLOVE", edan o label-hè : No Ceremony / / /, ha kement'rall ged o albom kentañ : No Ceremony / / /. Selow a rant doh musik pop (The Beatles, Mickael Jackson), elektro (Aphex Twin, Four Tet), rock (Atoms For Peace), dubstep (Burial), ... setu perag ema ken pinwig ha liessort o son, maget ged meur a leveson, ha liwet ged an amser a-vremañ. Piano ha luskow da zañsal ba "FEELSOLOW", elektro hag efedus-bras ba "HEARTBREAKER" ged kitar Joey Santiago (Pixies), folkig ha doussoh ba "AWAYFROMHERE" ged mouezh James Vincent McMorrow. Koms a rant a garantez, a zarempredow etre an dud, kentoh àr an tu diaes anehe. Teñwel ha fromus, goustad pe lan a nerzh, braw ataw eh a an traow ged No Ceremony / / /. TWO DOOR CINEMA CLUB "Changing of the seasons" in EP Changing of the seasons (2013 . Parlophone) KRAFTWERK "Radiocativity" in Radio-activity (1975 . Philips) GESAFFELSTEIN "Pursuit" in SP (2013 . Parlophone) CRYSTAL STILTS "Star crawl" in Nature noir (2013 . Sacred Bones) NO CEREMONY / / / "Hurtlove" in No Ceremony / / / (2013 . No Ceremony / / /) LOU REED "Sad song" in Berlin - Live at St. Ann's Warehouse (2008 . Matador) Liammow an deiz : > No Ceremony / / / ha > Lou Reed > Kraftwerk > Crystal Stilts > Gesaffelstein > Two Door Cinema Club