Un emvod gant ar Rassemblement National ‘oa dalc’het ‘ba Kallag disadorn tremenet. Daet ’oa Gilles Penelle zo ‘ba penn an RN 'ba Breizh ha kuzulier rannvro da gomz, gant tud all, eus labour-douar. Ma ‘oa bet un tamm nebeutoc’h ‘vit 50 den bet o selaou ar prezegennoù ‘oa un tamm mat muioc’h a dud er maez o vanifestiñ ouzh an emvod ha eus an RN. 200 manifestour a-enep faskour ‘oa bet beket kreiz Breizh diwar galv kevredigezhioù en o mesk ar CVA 22, Collectif de Vigilance Antifasciste. War blas ‘oa Laurent Gall e touez ar vanifesterien. Displeget ‘neus da Erwan Blanchard ar pezh ‘neus lakaet ‘nañ da vont da vanifestiñ.